SverrirJ

Þroskastig piparsveins

OK, ég viðurkenni það. Ég er að verða... fullorðinn. Merki þess er tilhlökkunin yfir nýju þvottavélinni minni.

Sú gamla, sem var að verða 20 ára og ég fékk í meðgjöf þegar ég flutti, gaf upp öndina um helgina. Ég brunaði í Elko á mánudaginn og festi kaup á nútímagræju með 270 þúsund stillingum, t.d. fyrir skyrtur með easy-ironing hnapp, fyrir viðkvæmt og very stained. Ég get m.a.s. still vinduhraðann!

Ég er viss um að við Margarita verðum mjög hamingjusöm saman.

- - - - -

Sáuð þið grein Guðmundar Þormarssonar, fyrrverandi bónda, í Velvakanda í gær? Stórkostleg. Ef Randver Þorláksson er ímynd íslenskrar karlmennsku eru það góðar fréttir fyrir mig. Nema ef ske kynni að þarna sé grín á ferð.

- - - - -

Mamma mín á afmæli dag og af því tilefni bauð ég henni í mat. Fyllti kjúklingabringur með mexíkóosti og vafði inn í beikon og eldaði í ofni. Meðlæti voru ofnbakaðar kartöflur & sætar kartöflur með timjan, rauðlauk og svörtum pipar ásamt fersku salati. Ísbúð Vesturbæjar skaffaði eftirréttinn.

Skrítið fréttamat

Fyrsta frétt í kvöldfréttum RÚV í gær var um að Þjóðminjasafnið og embætti forsetans vilja ekki greiða fyrir viðgerð á fyrsta forsetabílnum, sem fór langt fram úr kostnaðaráætlun. Bifvélavirkin hefur skilað góðu verki og bíllinn leit vel út, en um það snýst ekki málið. Hann er hins vegar sár og svekktur af því að hann fær ekki greitt fyrir það sem hann eyddi umfram samning og kostnaðaráætlun. Greyið.

Hefði reikningurinn verið greiddur hefði sama frétt snúist um framúrkeyrslu fjárheimilda og agaleysi í rekstri. Iss!

Jólakonfektið

Í gær bjuggum við hjónin til jólakonfektið. Þarna er ég að sprauta þeyttum eggjahvítum og sykri ofan á marensbotna, agalega pró. Við gerðum líka Mozartkúlur en höfðum ekki tíma í karamellur og kókoseitthvað, því við a) bjuggum til tvær súkkulaðikökur fyrir afmælisboð dagsins og b) fórum á tónleika með Langholtinu.

Halla Sigrún á semsagt afmæli í dag og hélt upp á það með sóma. Prýðisgóðar veitingar í boði og gestir góðir.

Nema hvað. Ég gerði fleira um helgina en að grafa undir bakarameisturum landsins, því á laugardaginn fór ég (loksins) til Þingvalla að vetrarlagi. Veðrið á Íslandi verður ekki mikið fallegra en það var á lau, og mig hefur langað að fara til Þingvalla í svona veðri í langan tíma en aldrei látið verða af því. Ég, frúin og Erla dúðuðum okkur fyrir 18 stiga frostið og keyrðum austur eftir á Bárði litla. Gengum niður Almannagjá og út að Öxarárfossi & til baka. V nice, með frosið nef í vetrarsólinni :-)

Sem lífgar, frelsar, blessar mig

Á vindasömu desemberkvöldi fyrir fimm árum síðan sat ég á kirkjubekk í Hallgrímskirkju og hlustaði í fyrsta skipti á jólatónleika Mótettukórsins. Ég var búinn að velta fyrir mér í nokkurn tíma hvort ég ætti að fara í kórinn og þess vegna var þetta líka könnunarferð.

Ég var mjög hrifinn af tónleikunum og man ennþá þegar ég heyrði það sem átti eftir að verða uppáhalds jólalagið mitt. Síðan hefur margt lagið og margur takturinn verið sunginn - og mörg lög eða kórpartar verið í uppáhaldi.

En þetta lag heldur áfram að vera uppáhalds.

- - - - -

Í hvert sinn sem ég syng það með kórnum mínum fæ ég sömu vellíðunartilfinningu og þetta desemberkvöld á kirkjubekknum, þegar ég fann hvað mig langaði að syngja með fólkinu í þessum kór.

Ég fór ekki í inntökupróf fyrr en rúmu hálfu ári síðar, en hef síðan sótt mér næringu í hjartað á vikulegum kóræfingum. Það er ósköp gott að tilheyra hópi fólks sem gerir aðrar væntingar og kröfur en daglega lífið. Fólk skilur ábyrgð, vinnuna, skólann og hvaðeina eftir fyrir utan salinn og verður hluti af heildinni. Sverrir bassi - ekkert meira og ekkert minna heldur. Mér líður vel með ekkert meira hlutann. Mini-vacation á þriðjudagskvöldum. Ef ég man rétt á skorar söngur í kór hátt í könnunum og prófum á streitulosun. Ég get alveg tekið undir það.

Ég get vel yfirfært síðustu línurnar í sálminum á kórinn. Hann mig lífgar, frelsar og blessar.

Mig huldi dimm og döpur nótt
og dauðans broddur nísti,
en þú mig fannst, og þýtt og hljótt
af þínum degi lýsti.
Ó, sól míns lífs, ég lofa þig,
sem lífgar, frelsar, blessar mig
með guðdómsgeislum þínum.

Haustfagnaður

Spurt: Hvaða árlegi viðburður er skemmtilegri en haustfagnaður Mótettukórsins?
Svar: Enginn.

Bryndísi Ísfold í 6. sæti

Í dag og á morgun verður kosið í prófkjöri Samfylkingarinnar í Reykjavík. Ég er búinn að ákveða listann minn og ætla að kjósa á netinu í kvöld.

Mér sýnist - þó orðræðan sé stundum önnur - að flokkurinn hafi alla burði til að tefla fram sterkum lista. Öflugasti nýliðinn í prófkjörinu er án efa Bryndís Ísfold sem býður sig fram í 6. sætið. Ég hef unnið töluvert með henni, bæði innan og utan pólitíkur, og veit að hún er meira en flott kosningaslagorð. Hún á eftir að standa sig vel í teymi með Kristrúnu Heimis, Össuri, ISG & co. og ég vona að hún nái takmarki sínu.

Það verður spennandi að sjá hver niðurstaðan verður, en úrslit eru væntanlega annað kvöld.

Hvar skyldi grasið vera grænna?

Um þetta leyti árs - þetta gerist reyndar gjarnan á vorin líka - á ég það til að finnast grasið grænna annars staðar en þar sem ég er staddur.

Þetta tengist m.a. birtustiginu. Ég kann illa að bregðast við svona miklum breytingum, en ég þoli samt skammdegið miklu betur en ég gerði. Ég gerði þá uppgötvun fyrir ca. 2-3 árum og í framhaldinu fattaði ég hvað ég er vanafastur, miklu vanafastari en ég hélt. Sumt þarf að vera eins og má helst ekki breytast mikið nema ég fái góðan tíma til aðlögunar. Rútína og stöðugleiki. Það er kannski ekki svo ólíkt öðrum ef út í það er farið.

Enívei. Þessa dagana langar mig í annað en ég hef og að gera annað en ég er að gera. Gallinn er að ég veit ekki hvað það er, fyrir utan að ég hef það ansi gott.

Niðurstaðan er að ég er þjakaður af ævintýraþrá en er ekki að gera neitt í því. My bad.

Lágkúra

Lágkúra vikunnar hlýtur að vera skyrglíman á Pravda. Borgar fólk sig virkilega inn á svona uppákomur?

En kannski eru þetta allt voðalega glaðar stúlkur og strákarnir líka eftir að taka þátt í þessu. Sterk sjálfsmynd með skyr í skoru?

Ætlum ekki að giftast strax

„Þetta er Sverrir, platónskur eiginmaður minn“.
Svona var ég margoft kynntur á laugardagskvöldið og viðbrögðin voru undantekningalaust skemmtileg. Þau sem það sáu fannst reyndar skrítið að við hjónin fórum heim í sitthvoru lagi - í sitthvora áttina. Yfir matnum var ég spurður hvenær ég ætlaði með konuna mína upp að altarinu og gera hana að heiðvirði konu. Hmm... ekki strax sagði ég - við viljum viðhalda spennunni í sambandinu.  Right.

En eitthvað er takturinn í stráknum að breytast, því ég dansaði aftur fram á rauða nótt.

Annars mæli ég alveg með því að bjóða mér með á svona samkomur. Ég kann góða borðsiði, drekk í hófi en ekki teprulega og beiti hnífapörunum rétt. Umsögn fæst hjá HSS.

The Domino Effect

Finnst einhverjum þeir hafa of mikinn frítíma?