SverrirJ

Not over the hill yet

Síðasta tuttuguogeitthvað, eins og Solla orðaði það. Til hamingju Ísland. Og ég.

Retail therapy í Trippen

Ég þurfti að fara út í búð hérna hjá vinnunni í gær, en á leiðinni lenti ég í því að kaupa mér skó í Trippen, sem er hérna í sama húsi. Hingað til hef ég gefið í og horft á gangstéttina þegar ég þurfti af fara framhjá búðinni, en eitthvað klikkaði í gær.

En vá hvað retail therapy virkar vel. Og skórnir líka svona flottir!

Annars sagði ég e-n tímann að partur af gamaninu við að kaupa skó væri að finna lélega og hálf heimskulega afsökun fyrir þeim. Ég fann nokkrar, mjög frumlegar þó ég segi sjálfur frá, en mundi eftir því þegar ég var löngu farinn út að auðvitað er þetta afmælisgjöf - til mín, frá mér

Það eru menn...

...að lesa bloggið mitt.

Réttlæting kaupalkans

Það að íslensk heimili nýta sér sterkt gengi krónunnar og flytja inn varanlegar neysluvörur og draga síðan úr slíkum innflutningi þegar krónan veikist er talið merki um hagsýni þeirra. [src]

01:02:03 04.05.06

Í nótt verður ansi talnafagurt augnablik á klukkunni, 01:02:03 þann 04.05.06.

Það eru þúsund hundrað ár í að samskonar talnaruna endurtaki sig á klukkunni, ca. 400 kynslóðir. Ég held reyndar að það sé annað svipað augnablik á árinu, en man ekki hvaða dag né klukkan hvað [ok, I'm not obsessed en það er 06.06.06 kl. 06:06:06].

Reyndar upplifðum við annan sjaldgæfan atburð fyrir 6 árum, sem var 29. febrúar 2000. Sá hlaupársdagur kemur aðeins á 400 ára fresti, því aldamótaár er ekki hlaupár nema númer aldarinnar gangi upp í 4 líka.

Talandi um tíma, þá eru sléttar fimm vikur í sumarfrí og ferðalagið góða. Ég þarf reyndar að skipta um vinnu fyrst...

1. maí

Ég fór í árlega 1. maí göngu í gær - og komst í sjónvarpið, annars hugar með hendur í vösum. Það var sossum auðvitað að það gekk á með éljum og rigningu þegar ég fór illa búinn í bæinn. Hefði ég farið með vettlinga og trefil hefði hann örugglega hangið þurr og sólin jafnvel skinið.

- - - - -

Annars var þetta tveggja partý helgi. Á föstudaginn var gleði í vinnunni, og á laugardaginn var próflokapartý hjá Árnýju. Þá smitaðist ég örugglega af Ásgeir Kolbeins-heilkenninu, því annars hefði ég ekki beðið í klukkutíma í röð á Oliver og ekki verið þar inni jafn lengi og raun var. En gaman var það!